زهرة الوادي

بما انكن فتحتوا هيك موضوع فأنا حابة اسألكون مين هو الدجال ؟ وكيف تواجد ؟ يعني هو انسان كان غير صالح فربنا لعنه وخلاه يكون فتنة ، ام انه هو مخلوق اصلاً لهاد الغرض ؟ وهو من وين بيجي ، هو موجود حالياً اما انه رح يخلق بعدين ؟ انا سمعت قصص كتيرة من هون وهون بس بدي القصة المضبوطة يلي بيعرفها صح يحكيلي عنها وشكراً للجميع

الحجر المناسب الك هو حجر مرجان البحر الفضي

الى الأخ اسلام كان من المفروض عقب على هاد الكلام من قبل بس هيك صار بالنسبة للآية يلي عرضتها هون انا حقيقة ما بعرف بتفسير القرآن ولا بالجدل حول التفسير لاني بحاول دايماً اترك الشي يلي ما بفهم في أو اسأل عنه اذا عجزت ويلي عملته انا بالضبط اخدت الآية يلي بعتتها انت ودخلت على موقع تفسير القرآن ونزلته متل ما هو لما حسيت انه التفسير هاد واضح وبجاوب عن تساؤلك وانه من مفسر معروف ببساطة انا ما رح جادلك حول تفسير الآية بس رح قلك من جهة تانية القمر موجود ولحنا منشوفوه ويلي بامريكا والهند والارض كلها بشوفوا لانه واضح وصريح الشجرة يلي عند بيتنا انا بشوفها بس انت ما بتشوفها لانها مو معروفة وانت مو عندها برج ايفل معروف بس انا مو شايفته لانه جماد ثابت مكانه لازم سافر مشان شوفه وجه لوجه بس انا شفته بالتلفزيون وقلائل من الناس يلي ما شافته لا بالتلفزيون ولا بالصور وهيك كل الاشياء العظيمة وبقصد عظيمة من ناحية الشهرة او الظهور بكون سيطها عظيم بعظمتها انت قلي ليش انا ما شفتهون ليش انت ما شفتهون وليش ملايين من الناس ما شافتهون ليش كانت المشاهدة مقتصرة على ناس بأماكن نائية او طيارين او شي له علاقة بالحكومات ليش واحد من عائلتي الممتدة ما شافهون وانت كذلك حدى من عائلتك شافهون قلك مرة جدك انه جده شاف هيك ظاهرة يعني متل هيك حدث له تاريخ من الشهرة هل من المعقول مازال الملايين منا ما شافوه مع انه هو مو شجرة ولو كان موجود كان رح يكون اشهر من برج ايفل لانهن متحركين وقدماء الفكرة وشكراً على سعة الصدر وعذراً على الإطالة

بدي قلك شغلة انا ما بدي نظّر عليك بس بدي قلك شغلة منيحة وان شاء الله بتعجبك اولاً ما في شي اسمه حجر مناسب او غير مناسب او بمعنى اخر حجر الحظ لان الحظ بيبعته رب الحظ ودايما لا ترهني تفاؤلك بحجر او عبد مدام الملك يلي بإيده كل شي موجود فوق روسنا لانه هاد جماد ما رح يقدم ولا يأخر الشي يلي كاتبلك ياه ربنا وان شاء الله يكون مكتوبلك كل شي خير بتعرفي لو تفكري انك بثمن هاد الحجر تساعدي محتاج بيفتحلك ربنا باب الخير كله وبينظرلك نظرة رب راضي عن عبده شوفي قديشها حلوة لما تحسي انه ربنا تطلع عليك وابتسم لان في ناس الله ما بينظر عليها وقديش هالمسكين يلي فرحتيه قبل العيد دعالك وحتى لو ما دعالك بشي ونسي من الفرحة قديشك بتكوني مبسوطة بحالك انك كنت سبب بسعادة انسان يمكن نام مبسوط ويمكن جاب لاولاده اكله هي بنفسهون من زمان او يمكن حطها بمكان دين وانت فرجتي همه احلى الشي يكون الانسان راضي عن نفسه وربنا راضي عنه هي هي السعادة وهاد هو التفاؤل والله يوفقك يا رب.

خلص شوف قلبك على شو بيهديك وصوم أو صوم ثلاثاء واربعاء ما بعرف اذا بصير هاد الكلام سامحوني اذا كنت على خطأ لاني ما بحب افتي بشي ما بعرف فيه بالذات لما يكون بالدين

طيب ليش ما تقول شو هو مشروعك ويلي يبي يشاركك بيبقى بيبعتلك رسالة

وَمِنْ آيَاتِهِ خَلْقُ السَّمَاوَاتِ وَالْأَرْضِ الْقَوْل فِي تَأْوِيل قَوْله تَعَالَى : { وَمِنْ آيَاته خَلْق السَّمَوَات وَالْأَرْض } يَقُول تَعَالَى ذِكْره : وَمِنْ حُجَجه عَلَيْكُمْ أَيّهَا النَّاس أَنَّهُ الْقَادِر عَلَى إِحْيَائِكُمْ بَعْد فَنَائِكُمْ , وَبَعْثكُمْ مِنْ قُبُوركُمْ مِنْ بَعْد بَلَائِكُمْ , خَلْقه السَّمَوَات وَالْأَرْض . وَمَا بَثَّ فِيهِمَا مِنْ دَابَّةٍ يَعْنِي وَمَا فَرَّقَ فِي السَّمَوَات وَالْأَرْض مِنْ دَابَّة . كَمَا : 23719 - حَدَّثَنِي مُحَمَّد بْن عَمْرو , قَالَ : ثنا أَبُو عَاصِم , قَالَ : ثنا عِيسَى ; وَحَدَّثَنِي الْحَارِث , قَالَ : ثنا الْحَسَن , قَالَ : ثنا وَرْقَاء جَمِيعًا , عَنْ ابْن أَبِي نَجِيح , عَنْ مُجَاهِد , قَوْله : { وَمَا بَثَّ فِيهِمَا مِنْ دَابَّة } قَالَ : النَّاس وَالْمَلَائِكَة . وَهُوَ عَلَى جَمْعِهِمْ إِذَا يَشَاءُ قَدِيرٌ يَقُول : وَهُوَ عَلَى جَمْع مَا بَثَّ فِيهِمَا مِنْ دَابَّة إِذَا شَاءَ جَمْعه , ذُو قُدْرَة لَا يَتَعَذَّر عَلَيْهِ , كَمَا لَمْ يَتَعَذَّر عَلَيْهِ خَلْقه وَتَفْرِيقه , يَقُول تَعَالَى ذِكْره : فَكَذَلِكَ هُوَ الْقَادِر عَلَى جَمْع خَلْقه بِحَشْرِ يَوْم الْقِيَامَة بَعْد تَفَرُّق أَوْصَالهمْ فِي الْقُبُور . تفسير الطبري هاد مشان ما تعود التشوشات

اهلا وسهلا بالريم وان شاء الله بتكوني مبسوطة معنا

شكراً جزيلاً يا اخ محمود درويش على هذا الكلام المفيد هلأ شوفوا كيف الاحداث يلي عم تصير عن مشاهدة اجسام غريبة كلها بالغرب مو عنا وما يجي حدى هلأ يقلي لأ حدثت حادثة عنا بلبلد الفلانية المقصد بالضجيج والصور والجماهير يلي بتدعي مشاهدتها لهيك شي كل يوم والتاني طبعا الله اعلم بأمرهن هنن من وين جايبنهون او شو متفقين معهون بس الغاية معروفة اما من ناحية هوليود وانتاجها لاجسام غريبة والقاؤها في اماكن نائية فهاد شي معقول لان لو نظرنا لصور الفضائيين يلي كانوا يصنعوها زمان أو يدعوا انها سقطت قبل عشرين وثلاثين سنة ويلي سقطت حالياً منلاقي اختلاف ملحوظ بالشكل التقني يعني كل ما تقدم الزمان بتقدم شكلهون معقولة! هلأ أي انسان قد ما كان ذكي بتقدر تكشفه بخيط بسيط ممكن يكون تاه عنه ببساطة (الواحد بيقدر يضحك على بعض الناس بس ما بيقدر يضحك على كل الناس)حكمة معروفة. موضوع اكتشاف عالم آخر مو موضوع هين وصداه ما رح يكون هين لازم يكون عظيم الضجيج بعظمة الحدث. اما الاية الكريمة (وما من دابةٍ في الارض ولا طائرٍ يطير بجناحيه إلا اُمم أمثالكم ما فرًطنا في الكتاب من شيء ثُم الى ربهم يُحشرون) يا اخ الليزر فمعناها واضح جداً بتقول انه ربنا قال كل شي فيه روح ذكره بهي الاية وحتى الجماد وكل شي هو مذكور بالقرآن وهاد القرآن ينفي عدم ذكر شي ربنا خلقه يعني هاد نفي عن وجود اي مخلوقات اخرى خارج الكرة الارضية اما بالنسبة للطاقة الذرية او النووية او اي شي تاني فهو اختراع مو خلق والآية بتحكي عن خلق . اما يا أخ محمود درويش انا بختلف معك بقضية انه يلي بيدعي او بصدق بوجود مخلوقات اخرى بكون عم يشرك بالله لان في اشخاص كتير بعرفهون بآمنوا بهي الفكرة بس ما بينكروا وجود الله أو الشك بوجود خالق تاني خلقهون أو انهون خلقوا من المادة الموضوع بس مجرد انهون بيعتقدوا انه ممكن ربنا يخلق مخلوقات كتيرة خارج كوكب الارض بس ما يكون ذكرهون إلنا بس هو البديهي انه ربنا مستحيل ما يحكيلنا عن هيك خلق هو خلقه باحد كتبه السماوية اذا هي مو مسألة انكار الذات الالهية هي عبارة عن تيه أوتعمق نشأ عن (فكرة، آية معينة، حدث ، مشاهدة) أو الرغبة بالتحرر من وحدانية كوكبنا بانه الوحيد المأهول بالسكان يعني بتقدر تلاقيلها اسباب كتيرة، بس فكرة وجود عالم تاني بالنهاية هي مسألة ناس مقتنعة وناس غير مقتنعة وانا مع الناس الغير مقتنعة (والله أعلم).

وهي ان شاء الله بدها تعطيهون الامل والامان سبحان الله فعلا في آخر زمان يصدق الكاذب ويكذب الامين شوف كيف الناس رايحة جاية عليها وقاعدين يحطوا اموالهون بالدجل بس لما يحكي رجال الدين ما حدى برد عليهون طبعا لان حكيهون ما في مستقبل في تأمُّل وتفكُّر وهنن ما بدهون يتعبوا حالهون عموما موضوع جميل ويسلموا اديك بخلي الواحد يشوف كيف الدنيا كل مالها عم تنحدر وراء الجهل والضلال الله يجيرنا ويهديهون

ألف مبروك وإلى الأمام ان شاء الله

يسلموا اديك يا أخ عبد الله العياضي والله يقويك

سلمت أياديكم يا أخ أنور آل محمد ويا أخ منير سالم على الصور الرائعة لقد أعجبني تأملك بالملكوت وتسبيحك يا أخ منير من الجميل أن نتفكر بآيات الخالق وشكرا لكم أختكم زهرة الوادي

لو علم الإنسان المستقبل لرضي بالواقع يعني شو بده يفيدني هاد الإنسان يلي متلي متله بده يحكيلي شو بدي اعمل بكرة ومين بدي صادف بطريقي وشو رح يصير معي بالمستقبل وين بدي روح وين بدي اجي معناها أنا فقدت الإحساس ببكرة ولنفرض انه قلي السنة الجاية بشهر خمسة رح يصير معك حادث وتنكسر رجلك وأنا هيك بعيش بقلق من هون لسنة الجاية وهيك أنا بحمل هم وبكسب ذنب وخلينا نقول انه قال لواحد من الناس انه أنت السنة الجاية رح يصير معك شي كتير منيح ويغير حياتك وكان هاد الشخص إنسان حالم قعد وركن انه ما يعمل شي لان السنة الجاية رح تنفتحله طاقة القدر ولشو هو يغلب حاله هلأ ويجتهد ما هو السنة الجاية عنده صفقة هيك قله الروحاني الفلاني وجاءت السنة الجديدة وجاءت الخيبة الكبيرة لان النجم الفلاني تغير فهاد اثر على صاحبنا وقلبله التنبؤ مو مشان العالم الروحاني ما بيعرف شي لأ لان حدثت ظاهرة غير اعتيادية قلبت كل النبوءة هيك أمور ما بتجيب لصاحبها غير الهم والغم والقلق والتعب النفسي وغضب الرب ومتل ما قال الأخ حيدر الموسوي ارحمونا خلي الله يرحمنا

طبعا الأطباق الطائرة حقيقة وأنا رح احكيلكون هالقصة: اليوم كان عندي ضيف من الفضاء الخارجي نزل بصحنه فوق حديقة منزلي وكنت عم اشرب الشاي فسألني شو هاد المشروب يلي عم تتناوليه فقلتله هي اسمها نبتة الشاي وفي منها أنواع وأشكال كتير بس أنا بفضل شاي السيلان الأحمر وهاد مشروب مفضل عنا لحنا الأرضيين ومنتناوله بأي وقت في الصباح أو المساء وقلتله كيف إنها بتنزرع وبتنقطف وبتتجفف وبعدين بتنشرب فطلب مني انه يتذوقه فصبيتله فنجان ساخن من الشاي فعجبه كتير وسألني كيف طريقة صنع هاد المشروب فقلتله كيف بيقدر يحضره فقام طلب مني هي النبتة مشان يزرعها عندهون ويذوقها لسكان كوكبه وممكن يكون بده يعمل منها تجارة ببلده ! فقلتله للأسف أنا ما بعرف بالضبط كيف بتنزرع هي النبتة أو من وين بقدر جيبها بس أنا بوعدك إني اسألك سكان كوكبي إذا حدى عنده معلومة بيقدر يفيدك فيها وبس احصل عليها أو حدى يجيبلي ياها رح خبرك ومنضل على اتصال وقبل ما يروح عطيته علبة شاي لان حسيت انه عيونه ضلت معلقة فيها واله نفس يطلبها مني بس الهيئة انه كان خجلان وانتوا بتعرفوا ان اللبيب من الإشارة … بس في مشكلة انه لما هبط بصحنه فوق حديقة منزلي حرقلي العشب وصار شكل الحديقة مو حلو لان هاد الصحن بكون سخن كتير وبيحرق كل شي بلامسه بس الحق يقال انه صحنه كتير حلو بعدين موديل السنة نوع مثلثين مربع ولا تسألوا عن سرعته لان ما بقدر اوصفلكون بس بالتقريب بيشبه سرعة البرق لان أنا حسب ما بذكر انه هلأ طلع وما في أجزاء من الثانية كان مختفي . شو رأيك يا أخ علي العبندي بقصتي بتصدقها ولكل يلي بآمنوا بالأطباق الطائرة بتصدقوا يعني هلأ خلينا نقول انه في أطباق طائرة وخلافه ليش لهلأ ما حدى ظهر علينا منهون لا تقولولي إنهن يلي ما بعرف مين هنن بخبوا علينا وما بدهن نعرف الحقيقة انتوا عم تقولوا إنهن أطباق طائرة وسرعتهون وتطورهون مخيف يعني ما رح يهمهون لا ناسا ولا إخوانها وبقوتهون هي وتقنيتهون بيقدروا يبيدونا يعني بالعربي لحنا ما منقدر نخوفهون ولا نمنعهون وليش رايحين جايين من كوكبنا وما حكوا مع حدى شو يعني قاعدين بيلعبوا رالي على كوكبنا مخلوقات عندها هاد التطور والمعرفة يعني كان من زمان حاكت أمم مو أفراد كان من زمان تجمهرت فوق أرضنا يا عالم لو كان في عالمين لختل نظام الدنيا بتعرفوا ليش لان دايما لازم تكون في قوة مسيطرة وحسب الوصف يلي الكل عم يقوله عن سرعتهون وعظمة مراكبهون هنن الأقوى باختصار هي مجرد كمين بتلعبه بعض الدول مشان غايات بأنفسهون ربنا سبحانه وتعالى قلنا في انس وجن وملائكة وجنة ونار ما حكالنا في رجال الأطباق ووضع كل مخلوق في مكانه المناسب مشان ما يختل توازن الدنيا يا أخ علي يلي شفته انت وصغير أكيد له تفسير منطقي وأنت أكيد بتعرف انه خيال الطفل واسع أكيد أنت شفت شي بس بحكم صغر سنك وقلة معرفة بعض الموجودين فسروه تفسير آخر أو ما عرفوا شو هو بالضبط

شكرا كتير على هالصور الحلوة

اهلا سهلا اهلا وسهلا اهلا وسهلا طبعا منرحب فيك ومنقلك كمان مرة اهلا وسهلا اهلا وسهلا بصرخة الريق

اهلا وسهلا يا ازيب وان شاء الله بتكون سعيد معنا

اهلا وسهلا ببنت المملكة حللتي اهلا ونزلتي سهلا وان شاء الله بتكوني سعيدة معنا :

وعليكــم السـلام ورحمة الله وبركاتـه.. مرحبا بنت المملكة انا معك بإقراحك مو غلط شي حلو اذا انت حاسة انه رح يكون في فائدة انا معك وانا كمان بحب يكون في تواصل معك اذا بتحبي واي شي بتحتاجيه انا بالخدامة

والله خبر بضحك كيف يعني انتوا بتصدقوا هذا الكلام صحون طائرة نازلة من السما يعني عم يضحكوا على حالهن ولا عم يضحكوا على مين اكيد سكان البلدة هي عندهن لوثة دماغية بجوز متعرضين لاشعاع او ما شابه فأثرت على سلامة عقولهون طيب حلو تعالوا نتخيل انه فعلا في اطباق طائرة ورجال فضاء مارح نقول رجال مريخ يلي تعودنا عليها لان يمكن يكونوا رجال مشترين او زحليين وبجوز يكونوا من مجرة اخرى كيف رح يكون الوضع ؟ رح يكون عنا جيران من كوكب تاني او كون تاني ؛ يعني منصير نقول حكى معي صديقي اللبتوني او الفضائي ... شو بدي جيب لصديقي الفضائي هدية بالمناسبة الفلانية ؟ صديقي الفلاني عاتب عليّ لاني ما زرته بالعيد وحكالي انه هو دايما ببارك علي بأعيادنا الارضية وانا كتير من الاحيان بنسى اعيادهن . وبصير هيك عنا تبادل حضارات وبتزيد عنا المعرفة ..الخ بس اذا طلعوا غير مسالمين وعدوانيين ؟ رح يصير ساعتها بيناتنا حروبات ومشاكل وبصير بدل ما هالدول نازلة تتقاتل مع بعض وتحتل بلاد بعض بصير حروب كواكبية او فضائية واحتلال كواكبي ومجراتي بس يا ويلنا اذا طلعوا هنن اقوى منا وعندهن تقنيات اكتر منا وتطور وتحضر وتمدن ولحنا بنظرهن عبارة عن مخلوقات متخلفة وبدائية منقول ساعتها : على الارض السلام , وبصير كوكبنا محتل ولحنا خدام عندهن او ممكن هنن ما بدهن يانا لأن ما بهمهن امرنا وما منفيدهن بشي فبيقضوا علينا وبينقرض الانسان الادمي اكيد سكان هي البلدة المذكورة وهي الصحفية حابين يعيشوا اجواء من الاثارة الجديدة بجوز الحروبات والضغوطات خلتهن يفكروا ويعتقدوا بوجود عالم آخر وحياة اخرى بجوز حيانهن الاسرية المتفككة خلتهن يتأملوا بوجود اصدقاء ممكن يحنوا عليهن اكتر . عموما هنن ذكروني لما كنت طفلة كنت اعتقد برجال الفضاء وانهن رح ياخدوني رحلة بالفضاء وبعدين يرجعوني وكنت دايما استناهن بالليل لحتى يحضروا واقعد راقب النجوم من شباك غرفتي وبعدين يغلبني النعاس واغفى ونام وانا قاعدة عم استناهن وكل يوم على هالحال لحتى صرت اكبر وصار عقلي يكبر واعرف انه كله هاد حكي فاضي واساطير من الاساطير يلي كنا نسمعها بالحكايا الخرافية وطبعا كان هاد كله من الكتب يلي كنت اقرأها وانا بعتبر هي الكتب عبارة عن سموم خطأ انه الاولاد يتناولوها وبيرجع الفضل لأمي لانها هي يلي وجهتني وعرفتني انه هي الكتب كلها كذب وما بتنمي الفكر وبحمد الله انه لحنا منكبر ومنتعلم ومنستفيد لان في ناس كتير بتكبر وبتتعلم وبضلها جاهلة بحمد الله على سلامة عقولنا لان في ناس كتير مضيعة عقولها . انا الآدمية الأرضية التي انحدر من أبونا آدم وامنا حوى علمني ربي ان لا وجود لحضارة غير حضارة الانسان التي قامت على يد ابونا آدم وامنا حوى وما زالت مستمرة وشكراً .

بالحقيقة انا هيك موضوع مو ممكن صدقه لان لو كان في حياة لمخلوقات اخرى كان الله سبحانه وتعالى اخبرنا بها عن طريق رسله عليهم السلام او كتبه الكريمة بس انا بعتقد انه متل هيك مواضيع بتكون بقصد التضليل يعني ( لهّوهم خلينا نعرف نشتغل ) فلا في مخلوقات اخرى ولا عالم بيحوي ذبابة إلا الارض وغير هيك هي مجرد اساطير حلو الواحد يتسلا فيها او يحكيها لأولاده انتوا شو رأيكم؟