طارق حسين

السلام عليكم حاولت اتواصل من ميد بخصوص الكاميرا الفلكيه lpi الا انني وجدت صعوبه في التسويق حيث لابد من توفر part number للكاميرا حتى يستطيعون طلبها وتسعيرها ارجوا من لديه رقم البارت يعطيني وياليت ممن جربوا الكاميرا يعطوني فكره عنها وهل تستحق الاستخدام ؟ وشكرا

استاذ عبد الله شكرا لك على المعلومات القيمه وافر التحايا والامتنان لشخصك الكريم

شكرا عبد الله العياضي ماقصرت والله انا على وشك اشتري الكام بس ابي اعرف طريقة التصوير هلا من خلال الوصله التي تباع عند ميد ؟ ام من خلال العدسه العينيه . وهل العدسه 300مم التي اشرت اليها هل EF75mm-300 وشاكر لك جزيل الشكر اخي عبد الله

اخي عبد الله شاكر لك تعاونك انا مثمن لك جهودك صراحه طيب رأيك في كانون 500D مع عدسة EF75-300 هل هي مناسبه يعني افضل من 450D

اهلا وسهلا اخي عبد الله العياضي مشكور على الرد طيب لو فرضاً كاميرا canon EOS 400D ماهي العدسه المناسبه للتصوير الفلكي او كاميرا nikon 3000D ماهي العدسه المناسبه لها على اعتبار ان التصوير سيكون للسدم والمجرات والكواكب وحتى الحشود النجميه , على فكره التلسكوب اللي عندي ETX-125 وشكرا لك اخي عبد الله

ياجماعه وين الردود الموضوع صار له اسبوع

السلام عليكم كيفكم ان شاء الله بخير يا جماعه حاب اشتري كاميرا تصوير لكن مو عارف الانواع المناسبه انا ميزانيتي 3000 ريال سعودي هل هناك مكان لبيع الكاميرات في الاحساء ؟ وهل هناك عدسات خاصه للتصوير الفلكي وكيف يتم توصيل الكاميرا بالتلسكوب ارجوا منا لجميع المشاركه وخصوصا استاذنا عبد الله العياضي .

السلام عليكم ارجوكم يا اخواني حلو لي هالمشكله انا تلسكوبي اذا اخترت توجيه للنجم الفلاني علشان انصبه بواسطه نجمتين اول مايلف يطلع صوت " طقطقه " وكأن شي يوقف للتلسكوب ومايخليه يتوجه للنجمه وش الحل ساعدوني لي اسبوع عجزت اوجه التلسكوب الكترونياً

اخوي علي الرومي الله يعطيك العافيه على النصائح اللي اكيد راح استفيد منها اخوي عبد الله ربي يوفقك ويجزاك خير خدمتني خدمه عظيمه مشكورين وماقصرتوا بس اخر سؤال اقدر اسوي زوم اذا رصدت مثلا المشتري ؟ زي زوم الكاميرا او فقط تعديل الصور عن طريق المسمار للتغلب على التشويش فقط ؟

اقسم بالله انك عبقري يا استاذ عبد الله هذا هو حل المشكله ماكنت ادخل على القائمه فقط على اضغط على GO TO قبل ادخل ويكتب لي المعلومات لان هكذا ضبط الامر مع المجموعه الشمسيه الله يحفظك ويجزاك خير ... بقي المشكلة العويصه الكرتون .. نعم هو يوم وصل كان مثبت داخل التضاريس وانا صراحه مستغرب كيف امكنهم ... هانت اخوي عبد الله والله انك اسديت لي معروف .. انامحرج منك لانك متعود تتعامل مع محترفين امثالك وشاكر لك تواضعك

الله يعطيكم العافيه اخوي عبدالله وعلي مع الاسف عملت استعادة النظام reset ولكن للاسف مازالت المشكله موجوده حتى الكرتون عجزت اطابق الشكل ان بدأت بالانبوبه لااستطيع تركيب القاعده وحتى ان عملت العكس لاتركب الانبوبه ! هل استسلم ؟ والله متشوق اشوف الحشود والمجرات لكن مع الاسف التلسكوب مايساعد

الله يعطيك العافيه اخوي عبد الله العياضي انا من اشد المعجبين بمواضيعك صراحه .. اسأل الله ان يعتق رقبتك ووالديك من النار اخوي انا من ناحية التنصيب دقيق للغايه رغم اني مبتديء واذا طلبت التوجيه للمشتري يكون في منتصف العدسه تماماً لكن المشكله بقية الاجرام لايتحرك لها التلسكوب .. اذا عملت ضبط المصنع مافيه احتمال تخرب البرمج لاني خايف صراحه ... وهل كل مره لابد ان اضع خطوط الطول والعرض او اكتفي بـ التنيب على وضع النجوم بالمنتصف .. لانه اذا شغلت التلسكوب يكتب getting time and date مادري هل ضروري خط الطول والعرض ؟ ااذا مافي مخاطر من استعادة الضبط راح اسويها بخصوص الكرتون اخوي عبد الله راح احاول وارد لك خبر الله يوفقكم

اخوي علي انا احاول رصد سديم الصياد والثريا واندروميدا وهي موجوده بسماء المدينه بالليل ... صراحه يعجبني تحليلك اخي العزيز واصل ربما تصل الى حل مشكلتي جزاك الله خير

اخوي علي التلسكوب بس فيه اوتوماتيك & ONE STAR& TWO STAR و لايوجد Polar Alignment اما الحامل لايوجد به كمية لماء التي تشير الى الميلان او ماشابه اخوي الغالي دريمر اللي اقصده ان القوائم موجوده بالكامل لكن يتوجه للمجموعه الشمسيه "الكواكب فقط !!وليس الكويكبات " والنجوم فقط اما اذا اخترت سديم او حشد او اجسام ميسييه لايتوجه فقط يكتب slewing وبعدها الصافره وهو ثابت مكانه هل هناك حل ؟ ( يعني التلسكوب لايتوجه الا للكواكب والنجوم ) وارجوكم كيف ارجعه بالكرتون واطابق شكله حتى يثبت واحافظ عليه وفقكم الله وتقبل صيامكم وقيامكم

السلام عليكم كيفكم اشتريت تلسكوب ETX 125 بس فيه مشكله انه مع GO TO مايتوجه للحشود او السدم او المجرات او الاجرام الاخرى زي M7..M6.. فقط للمجموعه الشمسيه والمشكله الثانيه انا ماعرف كيف ارجعه بالكرتون .. ماعرف اركب التليسكوب على الشكل الموجود بالكرتون حتى يبقى ثابت ومايتحرك ارجوكم ساعدوني على حل المشكلتين