وش رايكم بهالكاميرا الفلكيه ؟؟؟

[riyadh14 0]

وش رايكم بهالكاميرا المتخصصة بالتصوير الفلكي ؟؟

 

سعرها 91 دولار = 342 ريال تقريبا

وتكلفه الشحن للسعوديه = 50 ريال عن طريق بريد واصل العالمي من البريد السعودي

 

لاحظت ان صورها روعه ( بموقع امازون)

وهي تركب على جميع التلسكوبات

وهذا من صورها ( اخذته من الموقع)

 

 

رابط الكاميرا على امازون

http://www.amazon.com/Celestron-NexImage-S...6687&sr=8-2

 

 

 

ننتظر تعليقاتكم ورايكم ونخليها جلسه حواريه نفيد ونستفيد

[فتحي 0]

بسمه تعالى

 

حسب (مطالعاتي) فالكاميرا ممتازة، ومن أبسط وأرخص وأجود الكاميرات للتصوير الفلكي،

وما يميزها اكثر هو وجود برنامج خاص لها

 

أعتقد أنها اختيار جدا موفق لبداية التصوير الفلكي باستخدام كاميرات CCD

 

بانتظار آراء البقية.....

والخيار لك عزيزي

 

 

 

تحياتي

[riyadh14 0]

انا لو علي بجرب كل شي

لذلك ابي اكبح الجماح شوي

 

الكاميرا شفت سعرها رخيص

مقارنه بغيرها .. وفكرتها نفس فكرة كاميرا الويب

 

لكن هي متخصصه طبعا

 

مدري اذا احد جربها يفيدنا

 

 

[عبد الله العياضي 0]

الكاميرا ممتازه لتصوير الكواكب والقمر وحفره انا اقول لك توكل على الله مع اني ما جربته بل جربت زميلتها تبع ميد LPI ولكن هذه الكاميرا مماثله لها وممتازه

 

بالتوفيق

[dreamer 0]

الكاميرا متخصصة في تصوير الكواكب فقط ويأتي معاها برنامج التصوير وعليه التعليمات طبعا التصوير فيديو ثم تنقل الفيديو الى برنامج Registax ليحول الفيديو الى فريمات مفردة وبعدها تختار على الاقل 200 فريما للتكديس ثم معالجة الصورة النهائية

لكن مادام فيها البريد العادي اعتقد انك سوف تتعرض لجلسة استجواب لأنهم اول مره يشوفوا كاميرا من هذا النوع

 

شوية ملاحظات ...

بالنسبة لتصوير الكواكب ليس مهما جدا وجود نظام تتبع فيه ناس تصور بدون تتبع ..لكن من الافضل يكون عندك حامل ذو محرك استوائي لأن الكوكب راح يتحرك بسرعة وصعبة شوي تجلس تلاحقه يدويا وفي نفس الوقت تعمل فوكس وضبط اعدادات البرنامج

الموضوع متعب شويه في اول جلسة تصوير لكن اذا عرفت الطريقة مره راح تكون بسيطة في المره الثانية

كل ماكان عدسة التلسكوب اكبر كانت التفاصيل افضل ومن الاشياء المهمة ايضا وجود بارلوا اكس 2 او اكس 3