طالب فلك 0 Report post Posted July 29, 2008 السلام عليكم انا من هواة هذي الأشياء لأنه جاني مره هديه تلسكوب عاددي من واد فأقصى حده القمر فصار لي حوالي سنه وشوي ابي واحد جديد بعد ما انكسر القديم لأن راعي بر واحب الليل اقعد اشوف السماء فسمعت بمحل بالجبيل وكاله ميد وانا بالرياض وان شاء الله الأسبوع الجاي بروح لهم بس ما عندي اي خلفيه وش اخذ منه ودخلت علي موقعه ولقين هذي الأنواع بس مدري هل هي موجوده عنده ولا لا لأني لقيتها في الصور تبعهم وهذي الأنواع http://gems-calibration.com/index.htm وانا دورت ولقيت شي يمدحونه الناس اللي هو ETX70 وسعره ماهو غالي وانا حدي 2000 او 2500 وهو الكتروني فاللي عنده نصيحه وخبره ياليت ما يطمع علينا واكون له من الشاكرين وللعلم انا ودي شي اقدر اشوف المريخ والكواكب الثانيه واشوف العجايب ويكون مداه حلو وبالأخير عندي استفسار هلحين يقولون الكتروني يعني هل ما يشتغل الا بكهرب ولا يشتغل بكهرب وبدون كهرب لأني اطلع البر ولا حولي كهرب الا الماطور وانا ابي اتمتع به وادوري لحالي وابحث ولا ازعج عمري بكهرب واذا بغيت كهرب شغلت فأفيدوني الله يعافيكم تحيااتي Share this post Link to post Share on other sites
dreamer 0 Report post Posted July 29, 2008 الموجود حاليا عند شركة جيمس في الجبيل ETX 125 و ETX 90 الاول 4500 ريال والثاني حوالي 3800 ريال ... لست متأكد من المتوفر حاليا والاسعار لأن هذه المعلومات من قبل شهرين .. لكن ربما تغيرت الأوضاع بالنسبة لمطلوبك ETX 70 لا أدري اذا كان متوافر لكن ممكن يطلبونه من شركة ميد في امريكا اتصل عليهم ويعطونك البيانات ETX 70 معلومات بسيطة عنه قطر عدسته تقريبا أقل شوي من 3 انش ( قوته تعتبر ضعيفة لكنه مناسب لرصد القمر ) ويمكنك من خلاله مشاهدة جميع الكواكب ماعدا كوكب بلوتو وتقدر تشاهد بعض المجرات والسدم والكثير من النجوم اللي عمرك ماشفتها ولا سمعتها عنها مع أجدادك مثل نجم سهيل والثريا ( طبعا الرؤية تكون عادية بدون ألوان زي اللي في الصور ) يجي معاه ريموت كونترول ( طبعا لازم تأخد معلومات عن توجيه التلسكوب للنجم القطبي وشوية معلومات عن الرموت ) وبعدها تختار اي اسم من الريموت سواء كوكب أو مجرة او نجم وهو يتحرك اتوماتيك للي طلبته فاللي عنده نصيحه وخبره ياليت ما يطمع علينا واكون له من الشاكرين وللعلم انا ودي شي اقدر اشوف المريخ والكواكب الثانيه واشوف العجايب ويكون مداه حلو والله ترى سماء صحراء الرياض فيها العجايب وتحتاج تلسكوب اكبر لكن اللي معاك يمشي الحال بالنسبه للهواة هذا اذا عندك فكره عنه هلحين يقولون الكتروني يعني هل ما يشتغل الا بكهرب ولا يشتغل بكهرب وبدون كهرب لأني اطلع البر ولا حولي كهرب الا الماطور وانا ابي اتمتع به وادوري لحالي وابحث ولا ازعج عمري بكهرب واذا بغيت كهرب شغلت فأفيدوني الله يعافيكم بعضها تجي معاه بطارية شحن .. اشحنه في البيت وشيله معاك للبر ..زي الجوال تشحنه ويدوم معاك يومين ثلاثة لكن هذا النوع مااعتقد تجي معاه بطارية ملحقة .. واعذرنا اذا فيه معلومات خاطئة Share this post Link to post Share on other sites
طالب فلك 0 Report post Posted July 29, 2008 تسلم والله اخوي دريمو وش اللي تنصحني فيه بس يكون بين etx70 واللي قلت لي عليه واذا بغيت etx70 هل يجيبه لي طلب من امريكا وياخذ عليه سعر ولا يكون سكره زي ماهو وهل اذا اشتريته لازن اشتري معه اشياء كماليه وادري اني غثيتك وازعجتك واسفين بس اخر شي هل قد مريت على ميد في الجبيل ولا لا وتحياتي وردك يهمني... Share this post Link to post Share on other sites
طالب فلك 0 Report post Posted July 29, 2008 ووش اللي تقصده انه بدون الوان يعنيابيض واسود ولا اللون الطبيعي Share this post Link to post Share on other sites
dreamer 0 Report post Posted July 29, 2008 ممكن اذا حبيت اعطيك رقم السيد جيمس اذا تعرف انجليزي .. وهو وكيل شركة ميد الامريكي وكيل رسمي للسعودية وممكن يجيبلك اي تلسكوب من شركة ميد واذا انت جاد ممكن اتصل عليه انا بكره واعطيك جميع التفاصيل .. وانصحك انت في الرياض الله يعينك تنقز على الجبيل وتروح المحل وتشوف بعينك وتختار اللي تبيه وتاخذ الاكسسوارات اللي ينصحك فيها .. هذا شي راجعلك واذا بغيت etx70 هل يجيبه لي طلب من امريكا وياخذ عليه سعر ولا يكون سكره زي ماهو طبعا السعر يزيد ( سعر الشحن + شوية عموله ) امكن زيادة من 500 ريال الى 800 ريال وهل اذا اشتريته لازن اشتري معه اشياء كماليه اشتري ( فلتر القمر ) لأنه لما تشوف القمر من خلال التلسكوب يكون الضوء مره قويه .. ولاتنظر للشمس من خلال التلسكوب Share this post Link to post Share on other sites
dreamer 0 Report post Posted July 29, 2008 ووش اللي تقصده انه بدون الوان يعنيابيض واسود ولا اللون الطبيعي قصدي السدم ( الغبار الكوني ) Share this post Link to post Share on other sites
طالب فلك 0 Report post Posted July 29, 2008 من ناحيه جاد انا جاد وبأذن الله بعد اسبوع او اثنين رايح للجبيل وبمر عليه ولو تقدر الله لا يهينك زي ما قلت انك تكلمه وتشوف وش الموجود لأن الإنقليزي حقتي لك عليها ونت دامك لك خبره فياليت تمد لي يد المساعده ولو تسأله برضو اذا بغيت اجيب WTX70 كم بيجلس من فتره وكم التوتال اللي بيكلف ولو يكون عندهم شي مقارب له يكون تمام وبريحني من الطلب وانا في الأنتضار واذا تبي رقم جوالي ولا ايميلي ارسله لك برايفت وجيمس هذا فلبيني ولا امريكي Share this post Link to post Share on other sites
طالب فلك 0 Report post Posted July 29, 2008 بس لا تنسى الأسعار ووش البضاعه الموجوده اللي تنصحني فيها شكرا والله يخليك لنا ولا يحرمك من الأجر Share this post Link to post Share on other sites
الرئيس 0 Report post Posted July 30, 2008 انصحك لا تجي الجبيل الا متأكد من كل اللي تبيه على شان ماتنصدم بأي شي وبعد انصحك انه تاخذ عدسه ثانيه غيره اللي معاه وحبذا لو يكون عددها 9 مم مثلا على شان تكبر لك الاجرام وخصوصا الكواكب وبعد انصحك انك تتصل على الجمعية الفلكيه وتمر عليهم لانها بالطريق مره (كوبري الأوجام) وانت رايح للجبيل بعد ماتعدي الدمام بـ 15 كيلو تقريبا على شان يعلمونك كيف تشغله والا ترى مافيه امل انك تعرف له بدون ما احد يعلمك اساسياته وحتى جيمس بنفسه ماراح يعلمك بيقول لك انا بائع فقط وليس مدرب يعني كأنك شاري سياره من الوكاله ماتجي الوكاله تعلمك كيف تسوقها الله يوفقك Share this post Link to post Share on other sites
dreamer 0 Report post Posted July 30, 2008 انصحك لا تجي الجبيل الا متأكد من كل اللي تبيه على شان ماتنصدم بأي شي وبعد انصحك انه تاخذ عدسه ثانيه غيره اللي معاه وحبذا لو يكون عددها 9 مم مثلا على شان تكبر لك الاجرام وخصوصا الكواكب وبعد انصحك انك تتصل على الجمعية الفلكيه وتمر عليهم لانها بالطريق مره (كوبري الأوجام) وانت رايح للجبيل بعد ماتعدي الدمام بـ 15 كيلو تقريبا على شان يعلمونك كيف تشغله والا ترى مافيه امل انك تعرف له بدون ما احد يعلمك اساسياته وحتى جيمس بنفسه ماراح يعلمك بيقول لك انا بائع فقط وليس مدرب يعني كأنك شاري سياره من الوكاله ماتجي الوكاله تعلمك كيف تسوقها الله يوفقك وأنا أنصحك أنك تاخذ بنصيحة الرئيس ... هناك مفاهيم اساسية لازم تعرفها وإلا لن تستفيد منه ...أو خذلك تلسكوب عادي وليس اكتروني لكن العادي اعتقد انه غير متوافر Share this post Link to post Share on other sites
طالب فلك 0 Report post Posted July 30, 2008 هلا اخوي الرئيس مشكوور على المرور بس زي ما قال اخوي دريمر لو ما عندي خبره بالألكتروني استري عادي بس انا ماهمني عادي ولا الكتروني انا انجذبت للألكتروني على اساس انه يوصل مسافات ابعد واذا كان كلامي غلط يا ليت تعلمني ولا اتعب عمري واستري الكتروني بس اذا كتب الله وشريت الكتروني هل الجمعيه اللي تقول عنها انت بالجبيل يرحبون بي ولا عنهم مانع من انهم يشرحون لي وتحياتي =================== اخوي دريمر هلا بك طيب هل قوة العادي تسمخ لي اني اشوف المريخ والأشياء الجمسله والنجوم ولا لا لأن انا هاوي ولا ودي بشي يحوسني كثيير وتحياتي لك.. Share this post Link to post Share on other sites
عبد الله العياضي 0 Report post Posted July 30, 2008 بس اذا كتب الله وشريت الكتروني هل الجمعيه اللي تقول عنها انت بالجبيل يرحبون بي ولا عنهم مانع من انهم يشرحون لي أهلا بك اخي العزيز الجمعية ترحب بك وبالكل وماعندها اي مانع لما تريده Share this post Link to post Share on other sites
طالب فلك 0 Report post Posted July 30, 2008 تسلم اخوي عبدالله وانا كلمت دريمر وان شاء يكلم جيمس واشوف النوع اللي بشتريه وقبل لا اتخذ القرار بالتلسكوب اللي بشتريه راح ارسل لك رساله وتعلمني وش يلزمني من الكماليات المهمه كالعدسات والفلاتر وبعدها راح اكلم الأشخاص اللي بالجمعيه اللي ارسلت لي ارقامهم وتحياتي لكم جميع والله لا يحرمكم الأجر.. Share this post Link to post Share on other sites
dreamer 0 Report post Posted July 30, 2008 طالب فلك .. الاخ عبدالله العياضى يملك تلسكوب مشابهه تماما للي تريده ...وهو أحد المصورين الفلكيين الملمين بعالم التصوير الفلكي ... وممكن يفيدك أكثر منا .. وياليت الاخ عبدالله يعطيك فكرة عن الاكسسوارات الواجب شرائها مع التلسكوب Share this post Link to post Share on other sites
طالب فلك 0 Report post Posted July 30, 2008 ان شاء الله عبدالله ماهو مقصر ان شاء الله والسؤال اللي لخبطني انه على كلام الرئيس يقول انه مقر الجمعيه بعد الدمام وانت رايح للجبيل ب 15 كيول عن نفق و دريمر تقول انه في القطيف فياليت التوضيح هل فيه اكثر من جمعيه قبل لا اتصل عليهم وشكراً Share this post Link to post Share on other sites
عبد الله العياضي 0 Report post Posted August 2, 2008 كل ما ارسل لك رساله على الخاص اخي الكريم طالب فلك يقول انك قد قمت بإلغاء خاصيه ستقبال الرسائل عموماً هذا رد الرساله وعليكم السلام ورحمة الله وبركاتة اهلا بك اخي الكريم ولا تتأسف على السؤال بالعكس الامر عادي واي سؤال انا حاضر عموماً الـ 90 ممتاز وافضل من اللي قبل لانه اكبر بالقطر اما ETX125 طبعا هو الاكبر من هذه الموديلات يبلغ 5 انش ولكن على حسب ميزانيتك طبعاً وانا اقول ان كانت ميزانيتك لا تسمح فمالك الاهو الـ 90 والله يوفقك بالنسبه للأي سي ادابتر AC-ADABTER هو الموصل من المنظار الى الكهرباء يعني ماتقدر تشغل التلسكوب الكترونيا الا ابه تشبكه في الكهرب ويشتغل من الراديو وفيه بعد بطاريات يعني بدون سلك الكهرب اذا احببت بس هذا مهم وفيه بعد موصل توصله من طفايه السياره (مشغل السيجاره مثل شاحن الجوال اللي بالسياره )يعني اذا بتطلع البر شغله طفايه السياره انتبه لاتطول كل ساعه شغل السياره وانت خابر هالشي انصحك تشتري عدسه غير اللي موجوده فيه لانه اظن انه تجي معاه عدسه وحده بس وانت تأكد هل يجي معاه عدسه والا يجي لحاله اذا فيه عدسه غالبا تكون مقاسها 25 مم انت اخذ ثانيه مقاسها 9 مم على شان تكبر لك الكواكب سعرها يمكن بـ 300ريال وفلتر القمر ممتاز سعره ممكن 70 ريال بالنسبه للخراب اللي صار في منظاري اكيد تعطل عندي محرك المنظار صار يفر يمين ويسار ولكن فوق وتحت صار مايتحرك وصار اللي صار ولكن كيدوي لا عادي احركه فوق وتحت ويمين ويسار بيدي عادي ما اثر ولا اثر على الرؤية ولا شي وشكرا لك اخي الكريم Share this post Link to post Share on other sites
طالب فلك 0 Report post Posted August 2, 2008 هلا بك اخوي عبدالله مشكوور ولا قصرت اللي فهمته منك انه راح يجي معه عدسه طيب كم مقاس العدسه اللي بتجي معه و اذا ما جاء زي ما قلت انا اشتري عدسه ثانيه ويكون مقاسها 9 بدال 25 وطبعا زي ما قلت انت ان 9 أفضل من 25 ؟؟؟؟ بس اذا جاء معه 25 راح اشتري تسعه زياده بس السؤال العدسه ممكن اشوف صورتها لأني منلحس ما ادري هل هي في اول التلسكوب ولا في اخره ولا ... وترا انا موظف في شركة الإلكترونيات المتقدمه AEC ذا تبي مساعده في البورد ترا فيه ناس ماشاء الله عليهم يعجبونك وانا في خدمتك تحياتي لك... وردك يهمني Share this post Link to post Share on other sites
dreamer 0 Report post Posted August 2, 2008 بس السؤال العدسه ممكن اشوف صورتها هذي صورة العدسة وتجي في كرتون صغير مع ملحقات التلسكوب ... وبعدين أنت تركبها مكان ماتحط عينك مع تلسكوب etx 90 امكن تعطيك تكبير 50 مره لكن اذا اشتريت عدسة 9 ملم تعطيك تكبير يصل الى 150 مره وهنا صورة عدسة 9 ملم Share this post Link to post Share on other sites
طالب فلك 0 Report post Posted August 2, 2008 مشكوور اخوي دريمر على الصور وعلى فكره انا كلمت جيمس ولقيت ما اقدر امره لأن وقت الدوام في الشركه ما يسمح الا الخميس وهم مقفلين يوم الخميس فقالي نقدر نرسلها لك مقابل لا شي , وعرفت انواع التلسكوبات واسعارها وقررت على 90 شكراً Share this post Link to post Share on other sites
dreamer 0 Report post Posted August 2, 2008 بالتوفيق انشاء الله ... وصح مافي داعي تروح مشوار حتى الجبيل .. هو يرسله ويصلك في يومين امكن للرياض حتى في يوم واحد عن طريق dhl او فيدكس Share this post Link to post Share on other sites
طالب فلك 0 Report post Posted August 3, 2008 هلا كلمت جيمس وطلبت منه 1-ETX 90 2- MOON FILTER 3- EYEPIECE 9MM 4- AC-ADABTER وراح يوصل الرياض يوم الأربعاء والتوتال 4050 ريال واذا ناقص شي ياليت تقولون لي وفيه سؤال وش لون اشبك فيه الكاميرا وتحياتي... Share this post Link to post Share on other sites
dreamer 0 Report post Posted August 3, 2008 وفيه سؤال وش لون اشبك فيه الكاميرا تحتاج الى قطعتين فقط ... مثبت كاميرا ( camera adapter ) و حلقة تثبيت ( T mount ) اذا حبيت تركب كاميرا التصوير في التلسكوب وتاخذ صور للكواكب والقمر والنجوم اول شي تشتري القطعتين اللي قلتها عليك وتركب مثبت الكاميرا في التلسكوب بسيط جدا ( تركبها بدل العدسة اللي تطالع فيها ) وبعدين تشيل حلقة التثبيت وتركبها في الكاميرا ( طبعا كل نوع من الكاميرا لها حلقة تثبيت مختلفة ) وبعدين خلاص تركب الكامير في المثبت وانتهى الموضوع وتبدأ تصور وبعد ماتصور عليك بتحميض الصور وبعد ماتحمض الصور تعال ارميها لنا هنا في المنتدى عشان نشوفها ويشوف المصورين مستوى الصورة اذا كانت مناسبة ولا تحتاج الى تطوير عشان تطور من نفسك المهم كل تلسكوب له مثبت كاميرا خاص وكل كاميرا لها حلقة تثبيت خاصة ماادري موجود عند جيمس ولا لا ومااعتقد شركة ميد تشحنها الى السعودية ... لأن الاخ جيمس مره رمالي التلسكوب بدون مثبت سألته قال شركة ميد ماشحنتها لكن قال انتظر لين تجي ومن يومها ماسمعت صوته .. ربما تلاقيها الايام هذه عنده المهم ارقام القطع ( مهم جدا رقم القطعة عشان ماتتلخبط ) بالنسبة لتلسكوبك camera adapter مثبت الكاميرا T-Adapter #64 هذا اسم القطع مع رقمها وكود المنتج هو ME-TA-07363 وصورته http://www.opticsplanet.net/meade-ts-07363.html امكن يكلف حدود 150 ريال يبقى معاك حلقة الثبيت لازم تقلي ايش نوع الكاميرا اللي عندك عشان اعطيك رقم الحلقة المناسب اي خدمات ثانية حبيبي احنا جاهزين Share this post Link to post Share on other sites
طالب فلك 0 Report post Posted August 3, 2008 هلا دريمر والله نوعها سوني بس رقمها بالضبط ما اذكر صراحه وحاليا ماهي معي وهي مع واحد ومسافر حالياً. بس ما عليك اول ما اكلمه اقول لك. وانا اشهد انك وفيت وكفيت. اخر نقطه واعذرني على مصاخة أسئلتي بس هل القاعد الطويله "الأرجل" تجي معه وهل تجي معه شنطه اركبه فيها، و الجهاز الإلكتروني اللي فيه الأرقام و الإتجاهات هل كلها تجي معه كامله من ضمن العده. السؤال الثاني ماهو UHTC وعلى حسب ما سمعت انها خاصيه فهل يتمتع تلسكوبي بها ام لا ياليت التوضيح والعذر على الإطاله وهذا كل شي واذا تبي التلسكوب تلف به لفه وتاخذه لا يردك الا لسانك ولو لا الله ثم انت وعبدالله العياضي ولا كان أيست من زمان تحياتي... Share this post Link to post Share on other sites
dreamer 0 Report post Posted August 3, 2008 والله نوعها سوني بس رقمها بالضبط ما اذكر صراحه وحاليا ماهي معي وهي مع واحد ومسافر حالياً انا سألته الاسبوع اللي فات عن سوني قال ماعنده حلقة تثبيت T mount عنده نيكون وكانون وماادري عن الباقي تلاقيها في الرياض في محلات بيع الكاميرات الكبيرة في الحقيقة حلقة التثبيت شي يخص محلات الكاميرات وليس محلات التلسكوب وبعدين مو اي كاميرا تستخدم مع التلسكوب لازم كاميرات التي تقدر تفك العدسات منها بس هل القاعد الطويله "الأرجل" تجي معه وهل تجي معه شنطه اركبه فيها، و الجهاز الإلكتروني اللي فيه الأرقام و الإتجاهات هل كلها تجي معه كامله من ضمن العده. قصدك الحامل ايه تقدر تطول الارجل وتقصرها وكل شي مجهز فيه السؤال الثاني ماهو UHTC وعلى حسب ما سمعت انها خاصيه فهل يتمتع تلسكوبي بها ام لا ياليت التوضيح تلسكوباتUHTC تعني عدساتها مطلية بمادة كيميائية تمنع تشتت الضوء وتساعد على تجميعه لتعطي صورة اوضح وتلسكوبك فيه هذه الخاصية وهذا كل شي واذا تبي التلسكوب تلف به لفه وتاخذه لا يردك الا لسانك ترى أنا كل شي اخجل اطلبه إلا التلسكوبات امزح معاك تسلم ياالغالي لكن ممكن فيه تعاون في المستقبل كل اللي انصحك فيه لاتستعجل في معرفة كل شي ..خطوه خطوة وراح تلم بالموضوع والتلسكوبات في المدينة ماتنفع مع الاضواء والتلوث يبغالها طلعة بر Share this post Link to post Share on other sites
طالب فلك 0 Report post Posted August 5, 2008 هلا وغلا كلمت جيمس ابي منه شنطه hard carrying case فقالي ب 590 قلت له تعرف تسوق والله من جد ناااااااار بس الله يعين وبكره بيوصل الرياض بي ابي اعرف هل تشغيله صعبه لهدرجه بحيث اني ما اقدر استخدمه ولازم اروح الجمعيه مع انها مشوااار ادز للشرقيه تحياتي.... Share this post Link to post Share on other sites
