السلام عليكم اخواني وخواتي الكرام
انا عضو جديد في المنتدى واللي جعلني انضم اليكم هو هذا الموضوع (( الشيخ المغربي )) وحاولت ابين لاعضاء منتدى الشيخ المغربي كذب هذا الدجال مع معاونيه ولكن يشطب تعقيبي ومواضيعي لكي لا يراه الناس الضعاف
انا واحد من الابرياء الذين وقعوا في فخ الشيخ المغربي ومعاونيه طبعا اقصد الذين يشتركون معه في النصب مثل صاحب الاسم (( الروحاني الخارق )) هذا النصاب الكبير ومحتال جدا وهو متخصص ببيع الاحجار والخرز طبعا ليست خرز حقيقيه كلها مزيفه وهو صاحب موقع (( مركز الموسوي الروحاني )) وهو متواجد في لندن وايضا مشرف عام في منتدى الشيخ المغربي
قصتي من البدايه والله الذي لا اله الا هو اني اقول الحقيقه ولا اضيف زياده من عندي شاهدت الموقع مركز الموسوي ويوهم الزوار بالكشف الروحاني وبعد ماتعطيه اسمك يسرد لك المشاكل المهم في بداية الامر قال نجمك ضعيف وراح انقويه ولكن بمبلغ 700 دولار تقريبا !!! ارسلت له المبلغ طبعا لاحظوا يااخوان بأن رقم الحساب البنك مو باسمه باسم وحده على مااعتقد زوجته وبعد مرور سنه ماتغير شي وطول فترة السنه كانت بيني وبينه مراسلات بالايميل وكل شهر او شهرين اقوله ماتغير شي يقولي اصبر الشهر القادم اكيد بتتغير ظروفك طبعا للاحسن الى ان مرت سنه من غير تغيير وسألته عن الاحجار اللي يبيعونها وركزت على خرزة الحيه فتحت موضوع معاه قلت له خرزة الحيه لها فايده بالنسبه لحالتي ؟ فرد رد سريع قال : طبعا الخرزة راح تغير حياتك من تعاسه الى سعاده ومن هم وغم الى فرح وسرور ومن ضيق مالي الى انفراج ومال وفير وراح تتغير حياتك راسا على عقب !
قلت له انا ماعندي فلوسها قال انا حاضر اشكثر تدفع اللي تقدر عليه قلت مايصير انت حدد السعر واذا بقدر اشتريها ,,, قال السعر لك انت مو لغيرك مايقارب بالدولار 4500 دولار قلت له عطني فرصه ادبر المبلغ وللاسف للاسف اني دبرت المبلغ وشريت الخرزة في البدايه كنت فرحان اني امتلكتها بس سرعان ماصدمت وكانت المفاجأة صدمه بالنسبه لي تدرون شنو اطلعت الخرزة ؟؟ قواقع بحريه او اصداف بحريه كانت الصدمه قويه علي الله يلعن هذاك اليوم تعبت نفسيا والله وحاولت اتاكد اكثر رحت لاكثر من مختص بالاحجار وكلهم قالولي هذي قواقع بحريه ولما رجعت للمحتال وعلمته على اللي صار وتشاجرت معاه وكنت احاول اني اكذب اللي حصل معاي وكنت ارجع للنصاب احاول اهديء الامور معاه اساس احاول اني ارجع هذي القواقع البحريه لكن للاسف النصاب لهف الفلوس وصار اللي صار ومن قهري كسرت وحده من هالقواقع والثانيه ضيعتها وماهتميت اني ادورها
اخواني الكرام رجائي منكم اخذوا الحيطه والحذر من كل انسان يحاول ان يوهم لكم ان عنده حلول للمشاكل او يتعامل مع هالاشخاص عن طريق النت هؤلاء المحتالين شغلتهم انهم ينصبون الشباك لمن هم غارقون بمشاكلهم ويريدون اتعلق بالقش الى بر الامان ولكن هيهات والله انهم يلقون كثر الهم مرتين بسبب التعامل مع الدجالين امثال الشيخ المغربي والروحاني الخارق واللي يبي مشاكله تنحل يرجع الى الله بنيه خالصه وانشالله مشاكله محلوله باذن الواحد الاحد
والحمدلله رب العالمين والصلاة والسلام على محمد وآله الطاهرين واصحابه المنتجبين
